شوكليت تويستر... راح يفر راسكم فر من شكله قبل طعمه

السلام عليكم
شلونكم يا حلوين ياللي أحلى من كل حلى
و الله اني ولهانه عليكم<<<أدري بتقولون اللي ولهان علينا يمرنا بالمنتدى
صدقوني اني معاكم و اذا ما مريت على المنتدى اعرف اخباركم من
أم سلمان
الفترة اللي قطعت فيها عنكم ..يتني اختراعات مطبخية بوحي من المقادير اللي متوفره عندي
بس لا تخافون اطلعت اشياء لذيذه
فقلت ما تغلى على حبايبي بالمنتدى، لازم اشاركهم الطريقة
يالله هذا الحلو و مقاديره و طريقته...انا سميته :
شوكليت تويستر
لأنه عبارة عن شوكليت بشوكليت ..يعني حق مدمنين الشوكليت مثلي

المقادير:
1 كيكة مكين رخامية كبيرة

1كيكة مكين بيضاء كبيرة

4 قيمر نستله

1 بودرة ايس كريم فانيليا

1 حليب نستلة مركز كبير

شوكليت صوص

1 كيس كبير كيتكات المربعات الصغيرة

2 جالكسي سادة



الطريقة:

1-قصي الكيكتين طبقتين

2-حطي الكيكة الرخامية الطبقة اللي فيها لكريمة في البايركس وفوقها الطبقة الثانية و فوقها الكيكة البيضاء بنفس الطريقة

3-خلطي القيمر و الحليب المركز و بودرة الآيس كريم و خلطيهم بخلاط الكيك مع اضافة صوص الشوكلاته كثر ما تحبين

4-تصبين الخليط السابق على الكيك بحيث تغطينه كله

5- تبشرين الجالكسي و تنثرينه على على الطبقة السابقة و توزعين الكتكات بعد وعدين تزينين بصلصة الكاكاو

>>>على فكرة انا اسخدمت قالب مستدير فيه عمق قليل ...فلما زينته بصلصة الكاكاو بشكل دائري شكله كان وايد حلو


و بالعافيه على قلوبكم ... اي سؤال اتفضلوا

__________________
الحياة شئ صعب و الايمان شئ عظيم
و لا يمكن تذليل ذلك الصعب